ISO стандартыг зөвхөн салбарын нэрээр сонгох нь хангалтгүй. Эхлээд танай байгууллагад хамгийн их нөлөөлж буй асуудал, гэрээний шаардлага болон ажлын хамрах хүрээг тодруулна.
Энэ гарын авлага нь эхний чиг баримжаа өгнө. Эцсийн онош биш. Нэг байгууллагад хэд хэдэн стандарт хэрэгтэй байж болох бөгөөд бүгдийг нэг дор сонгох албагүй.
Стандартын дугаараас бус, бизнесийн асуудлаас эхлэх нь
Одоогоор аль асуудал танай байгууллагад хамгийн их нөлөөлж байна вэ?
- Чанар тогтворгүй, алдаа давтагддаг уу?
- Байгаль орчны нөлөө, хог хаягдал, ус, эрчим хүч болон нөөцийн хэрэглээг системтэй удирдах шаардлагатай юу?
- Ажлын байрны аюул, осол, эрүүл мэндийн эрсдэл өндөр үү?
- Танай үйл ажиллагаа хүнсний гинжин хэлхээнд хамаардаг уу?
- Харилцагчийн мэдээлэл, санхүүгийн өгөгдөл, дотоод баримт бичгийг хамгаалах шаардлагатай юу?
ISO 9001 — чанар ба үйл явцын тогтвортой байдал
Чанар тогтворгүй, алдаа давтагддаг бол ISO 9001-ийг авч үзэж болно. Чанарын менежментийн тогтолцоо нь үйл явц, үүрэг, хяналтыг тодорхой болгож, гүйцэтгэлийг тогтвортой хадгалахад чиглэнэ.
ISO 14001 — байгаль орчны нөлөө ба нөөцийн хэрэглээ
Байгаль орчны нөлөө, хог хаягдал, ус, эрчим хүч болон бусад нөөцийн хэрэглээг системтэй удирдах шаардлагатай бол ISO 14001-ийг авч үзнэ. Энэ тогтолцоо нь нөлөөг тодорхойлж, хяналт болон сайжруулалтыг өдөр тутмын ажилд оруулахад чиглэнэ.
ISO 45001 — хөдөлмөрийн эрүүл мэнд, аюулгүй байдлын эрсдэл
Ажлын байрны аюул, осол, эрүүл мэндийн эрсдэлийг урьдчилан удирдах шаардлагатай бол ISO 45001-ийг авч үзнэ. Эхний алхам нь зөвхөн ослын бүртгэл харах бус, ажил, тоног төхөөрөмж, оролцогч тал болон өөрчлөлтөөс үүсэх аюулыг хамрах хүрээнд нь судлах явдал.
ISO 22000 — хүнсний аюулгүй байдлын эрсдэл
Танай үйл ажиллагаа хүнсний гинжин хэлхээнд хамаардаг бол ISO 22000-ийг авч үзнэ. Хүнсний аюулгүй байдлын тогтолцоо нь аюулыг тодорхойлж, хяналтыг түүхий эдээс хэрэглэгч хүртэлх бодит урсгалд оруулахад чиглэнэ.
ISO 27001 — мэдээллийн аюулгүй байдлын эрсдэл
Харилцагчийн мэдээлэл, санхүүгийн өгөгдөл, дотоод баримт бичгийг хамгаалах шаардлагатай бол ISO 27001-ийг авч үзнэ. Мэдээллийн эрсдэлийг үнэлж, хандалт, хамгаалалт, хариу арга хэмжээг системтэй удирдана.
Хэд хэдэн стандарт зэрэг хэрэгтэй үед
Нэгээс олон асуудал тохирч байвал хэд хэдэн стандарт хэрэгтэй байж болно. Эхний дарааллыг дараах гурван зүйлээр тодруулна:
- Байгууллагад хамгийн их нөлөөлж буй эрсдэл
- Харилцагч, тендер, гэрээ болон бусад шаардлага
- Хэрэгжүүлэх ажлын бодит хамрах хүрээ
Бидэнтэй холбогдож асуулгаа аваарай
Байгууллагынхаа нөхцөл, асуудал, зорилго болон хамрах хүрээг тодруулах асуулгаа info@ankhdagch.mn хаягаар эсвэл Messenger чатботоор аваарай. Бөглөсөн хариултад тулгуурлан ажлын 1 өдрийн дотор тодорхой үнийн санал хүргүүлнэ.
Таван стандартыг 60 секундэд харьцуулсан богино видеог үзээрэй.
Societas Prima Transitus — ISO зөвлөх үйлчилгээ.
Бид байгууллагын тань онцлогт тохирсон менежментийн тогтолцоог төлөвлөж, хэрэгжүүлэхэд зөвлөнө — ISO 9001 (чанар), ISO 14001 (байгаль орчин), ISO 22000 (хүнсний аюулгүй байдал), ISO 45001 (хөдөлмөрийн эрүүл мэнд, аюулгүй байдал), ISO 27001 (мэдээллийн аюулгүй байдал).
Бид гэрчилгээ олгодоггүй. Гэрчилгээ олгох эсэх шийдвэрийг хараат бус гэрчлүүлэгч байгууллага гаргана.